خارج م البيت ناسي حياتي
ما هو كله م الست مراتي
مراقبه همسي وحركاتي
وان جيت في يوم اقول يا حياتي
تقولي نفذ طلباتي
...................................
اخش البيت ............كله شرار
عامله حريقا .....و بتضرب نار
قال إيه بتموت صرصار
لو مسكت يوم قطة جار
تديها درس في الانتحار
..............................
لو شافت يوم فار ياسلام......... تجري وتفجر الغام
والكلب بتاع سوق اللحمه ..... تعضه من غير ولا رحمه
ارجع ع الشغل ومش فاهم
عينيا حمره ومش نايم ....... ما هو كله من ست الهانم
طول الليل ماسكه في كارم ..... و شويه وتعيط حازم
اقول يا عالم مش نايم ........ تقولي بس ماهوش لازم
.................................................. .........
وكل يوم على دا الحال .... صداع وهيصه ولعب عيال
واعدي على عم البقال ..... يقولي استنا كيف الحال ؟
اقوله حلو وعال العال..... طب انا ماشي ياعم جمال
يقولي طب فين اللى عليك؟؟؟؟؟
اقوله ايه؟ هو انا اشتريت ؟!!
يقول مش انت دي ست البيت
اقول عارفها.. دي تخرب بيت
...........................................
ارجع م الشغل في نص الليل
شغلانه صعبه تهد الحيل
اشوفها نايمه زي الفيل
و لفه راسها بالمنديل
وصوتها طالع خانق الناس
تقولش وابور ناقص كباس
وانا عايز آكل .......جعان ياناس
افتح بهدوء مسمار ترباس
تصحا و في عينها عماص
وتروح قايله بصوت مياس
شرفت يا سبع البرومبه
في التلاجه انا حاطه كرنبه
اقول في سري ( تلمك طوربه)
آكل وانام و وانسا الاحلام
واصحا الصبح يا عيني عيان
واخرج م البيت ناسي حياتي
ماهو كله م الست مراتي
