(اصابع لوٍّنت بلون الاستعباد )

قصيد للشاعر الكبير داخل الجحيشي من اختار المذلة وترك العزة

لاتبجي وتشتكي وبالك تكول آحاه ** ياشعب العراق انته اللي ردتها
بيدك قررت وانته اللذي اختاريت ** ومناصب جدرك انته النصبتها
سبع سنين دومك تشتكي منهن عوج ** ولاطبخه من جدرك حصلتها
تعرف جدرك منجفي وتلحجه بالنار ** وطبخة الجوع انته الحضرتها
أحركت الضما ير كلها لجل يفور ** ومية المستحه بنارك نشفتها
خذوا من جدرك غموسك يل غشيم ** وكرصتك بصخام وجهك غمستها
على جروحك ملح ياشعب ذريت ** ولجمت جروحك وبيدك غمكتها
دكتور اليضرك ليش تتعناه ** وعليش تكرر الوصفة الجربتها
هنيئا ياشعب لاذمة ولاضمير ** برخص متعمد وللباطل بعتها
شككت ثوب الكرامة اللايك عليك ** ورحت لثياب المذلة وكدرتها
صور ذلك علكتها على الحياطين ** وآصوَرْ الشرف والعز شككتها
خطيت على ثوبك كل طبع منبوذ ** ولزمت اطباعك الحلوه وشخبطتها
كوم احصد ياشعب حسرات المساكين ** شريك اصبحت للقادة القدمتها
اذا مرك ظلم لومحنه مرت بيك ** تذب لومك عليمن يل سيدتها
اصابع صبغتها بلون الاستعباد ** تظل دومك عبد يلصبغتها
انه الحر ياشعب تدريني موش اليوم ** المواقف تشهد هوايه السجلتها
ماذليت تدريني الحكم صدام ** وجلابه بجفن صدك خوفتها
ولادنكت راسي بطبت أمريكا ** ولامن حكمت عمالتهم ايدتها
انه الاجلك ياشعب بالغالي ضحيت ** قدمت عمري نصيحة ومارتها
ما ادري شسويلك انته طبعك هيج ** اشكثر أحرار لليوم اغدرتها
وانه الماعوفك شمابيه ردت اتعيل ** واضل اثردلك بجفي ألكسرتها
انه المارايد كراسي وماردت تعويض ** على تعب الليالي المانمتها
وانه النفسي ابيه ومادور الكاكات ** الك ياشعبي المنافع حولتها
احشم بيك انه وربعي نفس الصوت ** حيهم فزعت يل الثولتها
وباجر من تجينه وحيهم أتصيح ** ياشعب العراق ابشر بالعفتها
يل مشيت بها الدرب لاتلتفت للفات ** لاتنسه العهد والدنيا الطلكتها
درب الجنه هذا اتجوه بالنار ** نار الدنيا بيدك وجرتها
اليدور دين ويريد الامام ** مايهتم لها لدنية ومنفعتها
رسالة انبياء الله كلهم باليقين ** على اجتافك تكع ونته الشلتها
لاتغتث حكومة الله كلها وياك ** وبرلمان الكون كله وحاشيتها

اولا احب اشكرك من كل قلبي على هذة المنقولة
لكن الي تعليق يااخي
فشعب العراق ليس بالشعب الخائن كمايصوره الشاعر هنا
هناك بعض من شرذمة ممكن ان نوصفها بكل ماقاله الشاعر
لكن ظلم ان يكون الوصف على الشعب عامة
فالعراقي معروف بحبه لبلده وبتضحيته لاجله
لكن هذا لايجعلني ان اخفي ابداع الشاعر
فالقارئ لهذه الكلمات الوطنية يجدبأنها قد خرجت من قلب قد غمره الحزن البالغ على مأساة شعبه فالشعب العراقي لم يأخذ العبرة والدرس الذي اذاقه اعداء الشعب العراقي من عملاء ومرتزقة للشعب العراقي
وها نحن نستغرب في ان لماذا يحب ان يكون دائماً ذليلاً مأسوراً طارق الراس متندماً دائماً على فعلته وجريمته الكبرى
وفي الختام لااملك الا الدعاء الى الله
ان يزيح هذه الغمة
وينصر عراقنا على اعدائه ويالف بين قلوب ابناء شعبه

اختني الغاليه انا اشكرك جزيل الشكر على التعليق الاكثر من رائع
اختي انا اريد ان ادافع عن الشاعرفالشاعر اعطا قرينه لمن انتخب السراق الذي لونوا اصابعهم وهذه الانتخابات لم تفرز عن فوز غير السراق
فهذا مايقصده الشعر
ولكي جزيل الشكر

بسم الله الرحمن الرحيم
اليوم جاء الرد على هذه القصيده والشعب لون اصبعه بلون العزه والكرامه واختار الاصلح
اخي الكريم ارجو ان تعرف انو لك جواد كبوه والشعب استوعب الدرس وياريت القاده يستوعبو الصفعه الجديده
وان الشعب العراقي شعب الحضارات والقيم الاصيله شعب القادسيه وشعب الشهيد البطل
تقبل مروري المزعج
اخوك عمر محمد \مشرف سابق

اخي الغالي قلت حقا مرور مزعج ههههههه
اخي الغالي عمر الساحة العراقي تشهد لالوان اصابع الشعب العراقي
وانت تر بام عينك من سيء الى اسوء
والشعب العراقي للاسف اليوم يحصد ماجنته يده
لك ودي واحترامي اخي الغالي عمر

يعطيك الف الف عااااااااااااااافيه
على الطرح الجميل
لك كل تقدير واحترام
وسلم العراق واهل العراق

» اصابع زينب
» ازياء بلون الاحمر
» اصابع الدجاج المقرمش
» فساتين و احدية بلون البنفسجي
» حوار بين اصابع يديك .. فيه حكمة رائعه