قصة " بعيد عنك " من تأليفى .....

تذكير بمساهمة فاتح الموضوع :


السلام عليكم

ازيكم يا اهل منتدى عسل العرب
يارب تكونوا بخير

حبيت اول قصة كتبتها بقلمى انزلها هنا وتقرواها وتقولولى رأيكم فيها
ويارب تنال اعجابكم




مع الحلقة الاولى ..

انا اسمى عليا فى تانية ثانوى ..
انا بنت عادية جدا .. ان كان فى جمالى او شخصيتى .. بحب ابن عمى " علاء "
احلى ما خلق ربى ... احلى انسان فى الوجود .. مش عشان هو حبيبى .. لا
عشان هو فيه كل حاجه ممكن تخلى بنوتة تنجذب ليه ...
بس انا بحبه مش عشان جماله انا بحبه عشان جوهره ...
وصدقونى لو واحدة فيكم شافته او بصت ليه هتقول عليه راجل بمعنى الكلمة ...
وده طبعا مش هيحصل منكم يا إما القتل يبقى نصيبكم

المهم نكمل ...

علاء فى اخر سنة فى كلية هندسة ... ليه اخت اسمها " دنيا " واخ اسمه " احمد "
دنيا قدى .. واحمد فى اولى كلية حاسبات ومعلومات ..

انهارده المفروض ان علاء جى من السفر ... اصله فى مدينة جامعية ... المهم هو جاى انهارده عشان يقضى معانا العيد ... وبينى وبينكم هو وحشنى وهموت واشوفه ..

دنيا : لولو ( وبتفتح الباب )
عليا : نعم ..
دنيا : ( وتقعد على السرير ووشها مش مفرح ) علاء شكله مش جاى انهارده
عليا: ( وانا بنتفض بذعر ) ليييييييييه ؟
دنيا : عشان انتى عارفه ان بكرة العيد والمواصلات زجمة ... وممكن ميعرفش يركب
عليا يارب .. يارب يجى بقى .. بقالنا شهوووووووور مش شوفناه
دنيا : ماما بتنادى عليا انا هروح اشوفها ..

ولما صدقت انها خرجت قبل ما اقع بلسانى واقول بحبك يا علاء
المهم ... طلعت فى البلكونة اشم شوية هوا ... بعد الخبر المشؤوم اللى سمعته

والمفاجأة ... علاء جى هو وبابا وباباه ... لالالالالالا مش مصدقة عيونى

وبسرعة البرق لقيت نفسى دخلت اوضتى ولبست عباية مطرزة جيبها بابا ليا من السعودية
ولفيت الطرحة وقعدت سنةببص على نفسى قدام المرايا ..

ونزلت بسرعة لقيت احمد طالع ..

احمد : ايش ايش ايه الحلاوة دى يا بت يا لولو
عليا : شكرا
احمد : شكرا ... اسمها ميرسى
عليا : ميرسى يا احمد ابعد بقى
احمد : ابعد ليه ؟
عليا : عشان علاء تحت ..
احمد : بجد ...
عليا : اه لسه شيفاه دلوقتى

ونزلنا مع بعض واول ما نزلت لقيت مامته بتظغرط من فرحة رجوع ابنها ..

وحلمت وكأنى لابسة الفستان الابيض .. وعلاء لابس البدلة وجى عشان ياخدنى ونروح على بيتنا بقى ...

وسرعان ما فوقت من الحلم وبصت لعلاء

عليا : حمد الله على سلامة
علاء : الله يسلمك ..

وسرعان ما توجه لامه وكلمها ولا كأنى موجوده وهما دول الكلمتين اللى قولنها لبعض ..

فجأة لقيت نفسى طالعة فوق .. زعلانة ...

ومر وقت طويل وانا لوحدى وبعيط ومفروسة من اللى حصل ...
لقيت دنيا طالعه وبتقولى

دنيا : لولو قاعدة لوحدك هنا ليه ؟
عليا : عادى ...
دنيا : طيب طلعى يا بنتى الشطرنج كده ولا حاجه نلعب نتسلى
عليا : طيب .. بس علاء فين
دنيا : علاء خرج مع بابا و عمى عشان يسلموا على ناس قريبنا ...
عليا : طيب

وفضلنا نلعب مع بعض شطرنج ... وفجأة لقيت الباب بيخبط ورأس احب مخلوق لقلبى ظاهره منه ...

علاء : ممكن ادخل
دنيا : ادخل يا علاء .. وحشتنى اوى اوى
علاء : وانتوا كمان وحشتونى

وانا عملة نفسى ولا اكنى هنا ... ولا اكنهم بيتكلموا او حتى موجودين فى اوضتى او حتى ولاد عمى
وفجأة لقيته بيكلمنى

علاء : ازيك يا عليا ؟
عليا : الحمد لله
علاء : مالك شكلك كده بيقول انك زعلان ؟

قولت فى عقل بالى عامل نفسك مش عارف

وفجأة لقيت دنيا بتقول ..

دنيا : ايوة زعلانة منك عشان مسلمتش عليها
عليا : دنيا ...
علاء : انا اسف يا عليا انتى عارفه ماما ... وعارفه انى لما بجى مش ببقى عارف اسلم على حد
عليا : ( والنبى ده فى سرى طبعا ) ممكن بقى تطلعوا بره عشان عاوزة انام ( مهى رخامة بقى زى ما رخم عليا تحت )

علاء اتفاجئ بكلمتى ... وانى بطرده ... ففعلا مشى ولا حتى قالى تصبحى على خير

دنيا : ايه اللى انتى عملتيه ده ؟
عليا : اطلعى بره انتى كمان .. عاوزة انام يلا
دنيا : ماشى يا عليا ..

وخرجت دنيا وانا مش فاهمه انا عملت ايه ...

فضلت رايح جاى فى اوضتى .. مش مصدق اللى حصل منها .. معقول تطردنى من اوضتها ...
والله انت اللى غلطان يا علاء ... بس معلش مهو انا بردو سبتها ومعبرتهاش لما جت تسلم عليا .. لسه بتدافع عنها .. اعمل ايه مش بحبها ... خلاص خلاص انا هنزل اتفرج على التلفزيون مدام مفيش نوم ...

فضلت نايمة على السرير ومش نايمة ... يووووووووه يقطع الحب وسنينه ... بس انا بردو غلطت .. بس هو غلط قبل منى وقبل ما احاسب نفسى احاسبه هو ...
طيب عشان انام اروح اعملى عشا حلو كده عشان ادبها صح واناااااااااااام ...

نزلت وانا فى المطبخ .. حسيت بأن فى سم ون بيفتح التلفزيون ... بصيت من الستارة وراسى كانت ظاهرة بين الحيطة والستارة .. لقيت حبيب قلبى قاعد بيتفرج على التلفزيون ..
وفجأة لقيته بصلى ... فضلت مبلمة ومش عارفه اعمل اى حاجه ..
لغاية ما اديت لنفسى قلمين ودخلت المطبخ ...

ايه ده ... القلوب عند بعضها احنا الاتنين نزلنا مع بعض وفى نفس الوقت ...
والله انا حاسس انى انا بقى الراجل اللى قاعد بيتفرج على التلفزيون وهى قاعدة فى المطبخ بتعمل الاكل عشان نتعشى ونام ...
فجأة لما شوفتها قلبى قعد يعمل بم بم تك تك
ومترددتش لحظة لما قمت من مكانى ورحت المطبخ اكلمها ...



منتظرة تعليقاتكم
استنونى المرة الجاية نكمل ...

الحلقة الثامنة




عبد المجيد : علاء ..

علاء : ايوة

عبد المجيد : ايه انت فى ملكوت تان كده ليه ؟؟ ايه بتفكر فى خطيبتك

علاء : خطيبتى ... لا يا سيدى مش بفكر فيها

عبد المجيد : ما تحكيلى حكايتك ...انت شكلك بتحب ..


حسيت انه فهمنى من عيونى


علاء : هحب وانا لما هنزل اجازة هخطب ..

عبد المجيد : يا بنى عادى ما ياما شباب خطبوا بنات مفيش اى علاقة بينهم ومش بيحبوا بعض

وحبوا بعض فى النهاية


فكرت فى كلامه وقولت معقول احب نيرة .. فى يوم من الايام

معقول هيجى اليوم اللى حب عليا اللى من صغرى هيروح ...؟؟

معتقدش انا بحب عليا ... بس اللى معرفوش هى بتحبنى ولا لأ ؟؟

والله يا عليا لو بتحبينى لاسيب العالم كله ولا يهمنى اخويا ولا غيره

بس الكلام ده كان ممكن ينفع قبل ما احمد يصارحك بحقيقة مشاعره تجاها

فوقت ولقيت عبد المجيد عمال يتكلم وانا مش مركز معاه


عبد المجيد : ايه يا علاء انت بتسرح كتير ليه ؟

علاء : ابدا .. قولى انت بتحب خطيبتك ؟

عبد المجيد : طبعا

علاء : ومالك واثق اوى

عبد المجيد : لانها بنت مؤدبه ومن بيت كويس واخلاق هى واهلها .. يبقى احبها ولا لأ ؟

علاء : تحبها بس هو ده الحب فى نظرك ؟

عبد المجيد : لا طبعا الحب مشاعر بينا ... والمشاعر بينى وبين سمية كبيرة اوى والحب بردو كبير عشان مبنى فى النور ... بس

علاء : حبتها قبل ما تخطبها ؟

عبد المجيد : لا انا خاطب خطوبة وجواز الصالونات

علاء : يعنى زيي ..

عبد المجيد : هو الجواز ده اللى بيدوم سيبك بقى من كلام بحبها وبتحبنى وفى النهاية بتلاقى

مليون مشكلة قدامك ولو اتجوزوا مش بيبقوا طايقين بعض

تعرف ان اكتر نسب الطلاق اللى كان بينهم حب ..

علاء : يلا ادينى هتجوز جواز صالونات وهعرف ..

عبد المجيد : اسيبك بقى لشغلك ...


ومشى عبد المجيد من عندى وانا بفكر فى كلامه


بفكر فيه بساعات .. وكل ما اقول اهدينى يارب وابص فى الكتاب اكتب اسمه

ارسم قلب وسهم بينى وبينه ... معرفش ليه متمسكة بيه رغم اللى بيعمله فيا ..

قطع افكارى دخول ماما ...


الام : لولو عاملة ايه فى المذاكرة حبيبتى ؟

عليا : الحمد لله يا ماما ..

الام : طيب يا قلبى ... عاوزة منى حاجه ؟

عليا : ماما عاوزة اتكلم معاكى

الام : قولى

عليا : هو مفيش اخبار عن علاء او جوازه من نيرة ؟

الام : انا عارفه ايه قصدك من ده .. بس عاوزة اقولك كلمة تحطيها حلقة فى ودنك ..

علاء وافق يتقدم لنيرة اول ما يجى .. وده معناه انه نسيكى وباعك واللى يبيعك بيعيه بأرخص الاثمان يا عليا
يلا ركزى فى مذاكرتك يا حبيبتى
وانسى اى حاجه ممكن تبعدك عن المذاكرة او تشتت افكارك


سبتنى ماما ومشيت بعد كلمتها ... معقول اقدر انساك ..

اه هقدر مقدرش ليه ..؟؟ مش هو اللى عاوز كده ..

انا لازم اركز فى مذاكرتى وبس واثبت ليه ان بعده مأثرش عليا لازم ...


عدت الايام ببعادى عنه ... وفعلا بقيت احسن بكلمه ماما ليا وبقيت بدعى ربنا فى صلاتى

يرزقنى الثبات والتفوق الدراسى ...

كنت كل ما افتكره اذكر ربنا او استغفره ... لغاية ما جه يوم ,.... هو اللى قلبنى ..

كنت قاعدة فى المطبخ مع ماما ... وطنط نادية .. ودنيا اتفاجئت بكلمتها لينا ...


نادية : بفكر اقول لعلاء انى اجيب الدبل من هنا عقبال ما يجى وتلبسها نيرة عشان محدش يروح يخطبها

سميحة ( ماما ) : وماله ... بس استنى لما يجى دول كلهم 3 شهور

نادية : يا حاجه عشان نيرة كده ممكن تطير من ايده ولا ايه رأيكم يا بنات


متكلمتش لكن دنيا اتكلمت ...


دنيا : ممكن يكون رأيك صح يا ماما بس علاء لازم تكلميه الاول وتقوليله عشان ميزعلش وتكون كل حاجه على نور وبصيرة له ...

سميحه : كلام دنيا صح يا حاجه خدى بكلامها

نادية : وانتى يا عليا ؟


فضلت ساكته شوية وقولت


عليا : براحتكم يا طنط ... بس عموما استنى لما علاء يجى

نادية : يعنى كلكم رأيكم لما علاء يجى ..

عليا : ده احسن على الاقل دلوقتى ..

نادية : طيب على بركة الله


طلعت انا ودنيا بره ودخلنا اوضتها ...


دنيا : شوفتى غبائك وصلك لحد فين ؟

عليا : انا اتخنقت يا دنيا ... بس هو اللى اختار

دنيا : مهو لو انتى قولتى من الاول مكنش حصل حاجه من دى ..


وفجأة سمعت صويت طنط نادية ... خفت وقلبى وقع ... وجريت انا ودنيا على السلم عشان نشوف فى ايه ..؟؟


عليا : طنط فى ايه ؟؟ ماما فى ايه ؟؟

الام : احمد قبضوا عليه


وانا بشهق


دنيا : ليه عمل ايه ؟؟

نادية : ابنى اتمسك فى قضية مخدرات ...


وجرى بابا وعمى وراحوا القسم

وفى الوقت ده اتصل علاء بينا وردت دنيا ...

دنيا : ايوة يا علاء ازيك


اول ما قالت اسمه خفت وكمان فرحت

خفت لحسن يكون عرف اللى حصل لاحمد وفرحت انه اتصل ...

طبعا مامته مقدرتش تخبى عليه لما جت تكلمه وماما هديته ... وقالت له هنبلغك بالتطورات ...

كان نفسى اوى اكلمه بس معرفتش بس فرحنى سؤاله عنى ... لما قالت دنيا


دنيا : عليا ... عليا كويسة ( وبصت ليا )


كنت فرحانه اوى اوى .. بس كتمت فرحتى وقولت لزمتها ايه مهو زيي زى غيرى

بنت عمه ...


اخر حاجه كنت اتصورها ان احمد يتقبض عليه ... بس احمد مش بيشرب مخدرات

وبعدين ده بيصلى وكويس ...

بس ممكن اصحابه اللى ماشى معاهم كذا مرة نبهته ... يلا ربنا يسامحه ...

هو ده اللى انت هتآمنه على عليا ... سؤال كنت بسأله لنفسى ... بس كنت بقول بكرة يتغير بالمسؤلية

والبيت والشغل .. اكيد هيتغير ..


فضلنا قاعدين على اعصابنا لغاية ما جه بابا وعمى ومعاهم احمد ... على العشا كده او بعدها

وطبعا اخدته طنط نادية بالاحضان


عمى : ادخل يا سبع البرمبه ...

ماما : حصل ايه ليه ؟؟؟ كان مقبوض عليه ليه ؟

عمى : ابدا يا حاجه كان بيعاكس بنات هو واصحابه الضايعين ... و والد بنت من البنات بلغ عليهم واتهمهم

انهم بيشربوا مخدرات وانهم وانهم .... الخ

نادية : يا خبر ليه كده يا احمد

احمد : والله يا ماما عادى اصحابى هما اللى كانوا بيعاكسوا مش انا ..

نادية : يلا بخاطرك المهم انك رجعت بالسلامة واطمنت عليك يا حبيبى

عمى : يلا اطلع غيرك هدومك ومن هنا ورايح مفيش غير الكلية والمذاكرة وبس الترم قرب يخلص انت فاهم

احمد : طيب


طلع احمد وهو بيبص عليا ... وبابا فضل يتكلم مع عمى فى موضوعه وموضوع علاء

وازاى ان فى اختلاف شاسع بينهم ... ان علاء راجل من يومه لكن احمد لا ...

طبعا بابا وعمى عرفوا ان علاء اتصل وعرف فأتصل بيه بابا وقاله انه بخير وحكاله الموضوع

وقعد يقول لبابا خليهم يدعولى عشان انهارده يوم غير عادى .. يأما اتثبت فى الشغل او لا

فضل الكل يدعيله بما فيهم انا ....


وانا قاعد عند السكرتيره بتاعت المدير بتاعنا .. اللى كان بيفحص مشروعى

اللى هيتحدد علي حياتى

المدير كان طلب منى اعمل مشروع على اساسه هتثبت او لا

وفعلا عملته وركزت فيه جامد .. لغاية ما سلمته ... المدير اعجب بيه اوى

واعجب بأفكارى وثبتنى الحمد لله وانا بتابع المشروع بتاعى على ارض الواقع دلوقتى ..

وانا واقف فى امان الله لقيت رقم غريب بيتصل بيا على الموبايل .. فتحت ...


علاء : السلام عليكم ..

.........: وعليكم السلام

علاء : مين معايا ؟؟

تفتكروا مين ؟؟؟؟

انتظرونى فى الحلقة القادمة ..

الحلقة التاسعة



علاء : السلام عليكم ..

.........: وعليكم السلام

علاء : مين معايا ؟؟

..............: انا نيرة يا علاء


اتفاجئت اول ما سمعت كلمة نيرة ... ازاى يعنى ؟؟ وجابت نمرتى منين ؟؟ اسئلة دارت

فى دماغى خلتنى اقولها ليها


علاء : انتى جيبتى نمرتى منين ؟

نيرة : ايه زعلان ؟

علاء : مش حكاية كده بس مستغرب ...

نيرة : جبتها من طنط نادية ..

علاء : اه ... طيب

نيرة : عامل ايه ؟

علاء : الحمد لله بخير وانتى ؟

نيرة : الحمد لله بخير

علاء : وباباكى ومامتك واخوكى عاملين ايه ؟

نيرة : الحمد لله .. عامل ايه فى الشغل ؟

علاء : الحمد لله ماشى كويس اتثبت الحمد لله فى الشغل وبتابع المشروع

فى الارض اللى هيتبنى فيها

نيرة : بجد مبروك ... ربنا ييسر ليك امورك

علاء : امين ...

نيرة : طيب ابقى سيف الرقم ده .. ده رقمى

علاء :حاضر

نيرة : وابقى اتصل واسأل عليا ماشى

علاء : ان شاء الله ..

نيرة : قولى هتنزل امتى؟

علاء : يعنى لسه حوالى كمان 3 شهور ولا اربعة معرفش لسه ..

نيرة : طيب تيجى بالسلامة سلام


انا نيرة .... عندى 18 سنة ... من صغرى وانا معجبه بعلاء جدا .. وبدعى ربنا يرزقنى بزوج صالح

زى علاء .. او يكون علاء نفسه ..

انا انهارده بقى لما كلمت علاء حسيت انى ملكت العالم كله ... صدقونى بحبه اوى

وبحب كل تفاصيله بحب شخصيته ... مستعدة احارب واقف قدام كل واحد

يحاول بس يوقع بينى وبين علاء او يفشكل خطوبتنا وجوازنا


استغربت انها اتصلت بيا واستغربت اكتر لما عرفت انها اخدته من ماما ...

ليه يعنى مهى الحكاية كلها اربع شهور وانزل على اجازة اخر السنة ..

ونعمل الخطوبة ... بجد قلقان وبردو فرحان عشان حاسس ان نيرة بتحبنى

وبحاول احبها .. بس قلقان من الخطوبة دى والجوازة كلها ... ربنا يستر

بس طول ما انا بفكر كنت واقف فى البلكونة بتاعت بيتى ... لقيت موبايلى بيرن ...

استغربت لانها رنة مش اتصال وكمان من حد متوقعوش معقول عليا ..؟؟


طول ما انا واقفة فى البلكونة بفتكر ايامى معاه .. ووحشتنى ايامى معاه

والسعادة اللى كنت بحسها معاه والحب اللى كان مالينى .. دلوقتى بتمنى يوم واحد بس يرجع

ياريتنى سمعت كلامك يا دنيا ... بس طول ما انا بفكر

كنت ماسكه الموبايل ونمرة علاء على الموبايل عندى وبقول لنفسى

اتصل ولا لأ .. وفجأة لقيت نفسى بتصل فقفلت علطول ...

كنت محتاجه اكلمه كنت محتاجه عطفه ... بجد بحاول اركز

فى مذاكرتى مش عارفه .. بحاول انساه مش عارفه ... ايه ده علاء بيتصل بيا ...


لما لقيتها بترن ... خفت لحسن يكون فى حاجه وبينى وبينكم .. كانت بجد وحشانى

بقالى 10 شهور ولا اكتر مش بكلمها ... ولا بسمع حتى صوتها

بس صورتها قدامى .. ان كان صورتها اللى فى محفظتى او صورتها فى مخيلتى

المهم لقيت نفسى بتصل بيها ومعرفش ليه ...


فضلت متردة ارد ولا لأ لقيت نفسى برد وبقول ..


عليا : السلام عليكم

علاء : وعليكم السلام ... ازيك يا عليا ..؟

عليا : الحمد لله بخير .. انت عامل ايه ؟

علاء : الحمد لله اخبار المذاكرة ايه ؟

عليا : مش كويسة

علاء : ليه يا لولو ؟


لقيت نفسى بتلقائية بناديها بالاسم اللى اعتدت اناديها بيه .. بس غصب عنى


اتفاجئت من لولو وفرحت اوى ... وقولت


عليا : ابدا .. نفسيتى مش حلوة ...

علاء : فى حد مضايقك ؟


كنت هقول اه انت ... بس سكت ولقيت نفسى بقول


عليا : مفتقداك يا علاء ... مفتقده كلامك وتشجيعك ليا ... ( وبدأت دموعى تنزل )

حاسه انى ضايعه ... انت ايام ما كنت فى الجامعة كنت بتنزل اجازات كل شهر على الاقل

لكن دلوقتى كل سنة ...


بقيت بسمعها و دموعى الابية بترفض النزول ... بس وقفت صامت قدام كلامها

مش مصدق الكلام ده ... مش مصدق اللى بيحصل .. بجد مفتقدانى ..

انا ايه بالنسبة ليكى .. كنت بتمنى اقول السؤال ده بس ...


علاء : متقلقيش ... انا هحاول انزل قبل امتحاناتك عشان اكون معاكى

ولو معرفتش رقمى معاكى عاوزة اى حاجه ولو حتى كلمه تشجيع انا تحت امرك

وانا عن نفسى هكلمك كل يوم واطمن عليكى ... بس متقوليش لحد ههههههه


فرحت لما سمعت ضحكته يااااااااااااه بدوبنى ... فقولت


عليا : ربنا يخليك ليا يا علاء ...

علاء : طيب تسمحى ليا اقفل بقى ... عشان تلحقى تنامى ونذاكر بقى صح ؟

عليا : اكيد .. بس انت عند وعدك

علاء : انا عمرى وعدتك ورجعت فى كلامى

عليا : لا

علاء : يبقى ثقى فى كلامى .. خلى بالك من نفسك لا إله إلا الله

عليا : محمد رسول الله


مردتش اقفل غير لما هو قفل ... وكنت فى شدة فرحى وسعادتى ..

بحبك اووووووووى


انتظرونى المرة الجاااااااااااااية

يا سلااااااااااااااام القصة كتير كتير حلوة بجد وبنفسي اعرف شو النهاية

بجد شكرا على القصة

تسلمى seso لمرورك العطر .... نورتى القصة بوجودك

تسلم عمدة لمرورك الكريم ....

الحلقة العاشرة
نمت وانا فى حضنى صورتنا احنا الاتنين سوا ولما صحيت من نومى
فتحت عيونى فتحتها على علاء ... قلت لنفسى ازاى قادرة ابعد عنه الفترة
اللى فاتت دى كلها ...؟؟ وازاى قدرت يكون لغيرى ... معرفش ازاى بس انا متأكده انه هيكون ليا
وانا هكون ليه وربنا مش هيخيب ظنى بإذن الله
قومت وصليت ونزلت عشان افطر ... عدى اليوم عادى وسبحان الله مشوفتش احمد تماما
انهارده ... الكل كان قلقان عليه وكلنا بنتصل عليه مش بيرد لغاية ما رد عليا
وقالى انه جاى فى السكة ... معرفش ليه بدأت اشك فى احمد ... واشك فى تصرفاته
ازاى ده يكون اخ لعلاء مش مصدقها ...
دخل علينا وطبعا ابوه ضربه قلمين قبل ما ينطق بكلمه وجريت امه عليه
عشان تحمى ابنها ... لغاية ما قال
احمد : يا بابا هو كل يوم زعيق وضرب ... انا مش عيل صغير
ولا انا ولد من الشارع عشان تقعدوا تقارنونى بعلاء ..
ابو علاء : ياريتك زيك اخوك ... بس تعرف انت حلك الوحيد ايه ؟
احمد : ..........
ابو علاء : انك تتجوز ... وساعتها هتشيل مسؤلية وتسيبك بقى من الكلية ... وتشوف شغلك ومراتك وعيالك
ساعتها هتحس انك راجل
احمد : انا راجل ...
ابو علاء : انت عمرك ما كنت راجل .. الراجل يحترم نفسه ويحترم مواعيده ويحترم البيت اللى قاعد فيه مش يقلق الناس اللى حوليه
وميعرفوش هو فين ويجى فى قرب الفجر
احمد : ..........
نادية : خلاص يا حاج حصل خير ..
طلع الكل فوق بعد نظرة وحشه اوى من عمى لمراته . ... على طول بشوف علاء فى عمى
علاء طالع لعمى فى قوته وحزمه للامور ورجولته على عكس احمد
عدى اليوم ده وطلعت اذاكر ... فضلت صاحيه لغاية الساعه 8
ولقيت حد بيخبط عليا قبل ما انام بشوية ...
عليا : ايوة مين ؟
احمد : انا احمد يا عليا
عليا : احمد ... عاوز حاجه ؟
احمد : ممكن اتكلم معاكى شوية ؟
اضطريت انى افتح الباب واتكلم مع احمد ...سبت الباب مفتوح وقعدنا على المكتب
بتاعى واتكلمنا ولقيته بيقولى ..
احمد : عليا ... هو ليه الكل بيقارنى بعلاء ؟
عليا : عشان انت مش زيه
احمد : حتى انتى يا عليا
عليا : ايوة حتى انا ... احمد انت مش حاسس بكده مش حاسس انك عايش حياتك بطول والعرض
والمهم عندك نجاح وبس على عكس علاء اللى بيطلع الاول علطول ... حاول تكون احسن وتتغير
انت شوفت المرة اللى فاتت بتاعت معاكسه البنات حصلك ايه ... عمرك شوفت ولو لمره
علاء عمل كده ... او غلط اى نعم مفيش انسان مش بيغلط بس الغلط يكون فى حاجه كويسه
وبعدها نتعلم من الغلط ده ونغير نفسنا مش نفضل ماشيين واحنا عارفين ان الطريق اصلا غلط
احمد : وبعدين
عليا : ابدأ من اصحابك التغيير ده ... لانهم اكيد هما اللى بيحرضوك على ده لانك اصلا مش كده
احمد : محدش ليه دعوة بأصحابى انا عمرى ما ادخلت باصحابك ولا اصحاب الزفت علاء
ولا اصحاب دنيا ولا اصحاب حد .... يبقى محدش له دعوة بيا
اعمل اللى اعمله وانا غلطان اصلا انى جيت وكلمتك انتى زيهم اصلا
قولت وكنت بدأت اضايق من طريقة الكلام
عليا : انا ليا الشرف انى زيهم واكون زى علاء .... على الاقل مش بمرمط اهلى ورايا فى الاقسام
واخليهم يضربونى بالقلم ... واهين كرامتى عشان حاجه غلط ومش عاوزه ابعد عنها
احمد : انا يا عليا كده
عليا : ايوة انت كده وانت مش عاوز تشوفها ... اصحى وفوق لنفسك يأما هتخسر كل حاجه
احمد : ..............
عليا : واتفضل بقى اطلع بره ...
الكلام لغاية هنا وخلص والغلط اصلا عندى عشان
سمحتلك تتكلم معايا ... اتفضل
خرج وانا بأنب ضميرى على اللى عملته .... معرفش ليه اتخنقت من نفسى ومن حياتى وكنت بفكر اروح
اعتذر ليه ... بس سرعان ما قولت هو غلطان .. لازم يستحمل غلطه ويعرفه ويصلح من نفسه وفجأة
لقيت دنيا داخله عليا وبتقولى
دنيا : انتى عملتى فى احمد ايه ؟؟
عليا : عملت ايه ؟
دنيا : احمد دخل اوضته وقعد يعيط ولما دخلت عليه حكالى ... وقالى انه هيتغير بس عشانك
عليا ( بإستغراب ) : عشانى انا
دنيا : اه عشانك ... تعرفى ليه ؟
عليا : ليه ؟؟؟
دنيا : عشان بيحبك
قمت من مكانى وانا مش مصدقه ومش عارفه اقول ايه ؟؟ حتى الكلام وقف ياربى انا بحب واحد
وهو مش بيحبنى واخوه بيحبنى ....
دنيا : عليا هتعملى ايه ؟
عليا : مش عارفه ...
دنيا : عشان تستخدمى حب احمد ده صح ... خليه يغير من نفسه ... ويكون احسن
واصبرى على نفسك مش يمكن تحبى احمد ...!
فضلت ساكته بفكر فى كلامها معقول .. معقول اكون لحد غير علاء ... طيب مهو علاء هيكون لحد غيرى
انا محتارة بس مينفعش احبه وانا بحب غيره ... فعلا كلام دنيا صح استخدم حبه ليا واغيره
يمكن يمكن لما يتغير على ايدى احبه .... مش يمكن ..
عدت ايام على شغلى هنا وانا سعيد بالشغل اوى ... الى حد ما نيرة بتكلمنى وبكلمها يوميا تقريبا
حاسس بحبها الكبير ليا .. بس بردو مش قادر احطه مكان عليا ...
بس اكيد فى يوم هيتحط ....لانها خلاص كلها كام اسبوع وانزل مصر عشان الخطوبة
واللى يفرس ان ماما عاوزاها كمان كتب كتاب ومش عارف اعمل ايه نيره عاوزاها تبقى بسرعه بردو ...
بس انا مش عارف اقنع ماما ولا نيره ازاى ..؟؟ بس انا لما انزل هقنع ماما اكيييييييييييد ...طول
ما انا قاعد بفكر فى عليا اللى من يوم ما اتكلمنا ومبقاش فى كلام بينا ... فكرت كتير اتصل بس كنت ببقى
خايف لحسن تكون بتذاكر ولا فى درس ولا امتحان ... وخصوصا ان امتحاناتها دلوقتى ....
وانا مقدرتش انزل واكيد هتكون زعلانه منى ....
ولقيت نيرة بتتصل بيا ...
نيرة : السلام عليكم
علاء : وعليكم السلام ازيك ؟
نيرة : الحمد لله ... ايه اخبار الشغل ؟
علاء : تمام الحمد لله . . عملتى ايه فى الامتحانات ؟
نيرة : تمام ... بس اخوك اتغير خالص الفترة اللى فاتت دى
علاء : ازاى ؟
نيرة : مبقاش يكلمنى ولا يكلم بنات بقى مستقيم كده
علاء : ههههه ودى حاجه تزعلك ؟
نيرة : لا بس مستغربه .. انا اصدق انك انت تبقى كده
لكن هو لا
علاء : ربنا يهديه ..
نيرة : على فكرة انا عرفت ان احمد فى تطش بينه وبين باباك ..
علاء : اه مظبوط ..
نيرة : ربنا يهدى النفوس ...
علاء : يارب ...
نيرة : كنت عاوزة اعرف منك حاجه يا علاء
علاء: ايه ؟
نيرة : مفيش مفيش ... لما تيجى نبقى نتكلم
علاء : ماشى سلام
نيرة : سلام
خفت اوى اقوله ..
اصل اللى حصل مش شوية
انتوا بردو مش فاهمين صح ؟؟
معرفش ليه .. حاسه ان فى حاجه بين احمد وعليا
كتير اوى بشوفهم بيخرجوا مع بعض بس طبعا مع الاهل
بس كتير اوى وانا مستغربه لان عليا
عمرها ما حبت احمد ... بس يمكن تكون بتحبه يمكن ..
عدت ايام كتير وجت امتحاناتى وانا لا بكلم علاء ولا هو بيكلمنى ... حتى علاقتى مع احمد
بقت كويسة اوى والخطة اللى انا حطاها ماشيه عاااااااااال ...
بس كتير لما بحس بحبه ... وبتمنى لو مكانه علاء .... بس بجد احمد اتغير فى حاولى شهرين
بقى اهتمامه الاول المذاكرة ونجاحه ... كنت بجد بدعيله كل يوم فى صلاتى
وبتمنى يرزقه بالزوجه اللى تملى حياته حب وهنا بس متكونش انا ... لانى مش عاوزه اظلمه ..
وفى يوم وانا راجعه من اخر امتحان ليا فى الثانوية العامة ... واخدت الاجازة خلاص
لقت ماما بتقولى
الام : لولو ..
عليا : ايوة يا ماما
الام : ادخلى يا حبيبتى خديلك شور كده وغيرى هدومك عشان علاء جاى انهارده
عليا : بجد يا ماما
الام : ايوة يا روحى
عليا : طيب فوريرة ...
وطلعت السلم بسرعة البرق ... ولقيت احمد واقف وبيقولى وعلى وشه ابتسامه جميلة
احمد : عملتى ايه فى الامتحان ؟
عليا : الحمد لله
احمد : مبروك على الاجازة
عليا : الله يبارك فيك ... ايه مش هتلبس
احمد : اه هدخل بس كنت مستنيكى ... عشان اطمن عليكى
عليا : فيك الخير يا ابن عمى ... بعد اذنك
دخلت اوضتى وقفلت على نفسى وانا حاسه انى كل يوم بجرحه اكتر ..
بس لازم اعمل زى ما دنيا قالت ليا ادى لنفسى فرصه ..
بس علاء ؟؟ وحبه ؟؟
انهارده هنحكم كل حاجه لو فعلا موضوع خطوبه نيرة هيتم بجد ... خلاص ادى لنفسى فرصه
مفيش يبقى اعتذر لاحمد ...
اشوفكم المرة الجاية ...

الحلقة الحادية عشر
اول ما خلصت تحضير للشنطة ... كنت حاسس بفرحة شديدة ... وكنت حاسس انى هسيب مكان اتعودت عليه
وحاسس انى ببنى نفسى فيه ....
ومخبيش عليكم العيلة كلها وحشانى وبالاخص عليا اللى بقالى كام شهر مسمعتش صوتها
نزلت من بيتى ... وخت تاكسى وروحت المطار ... وبعد ساعه ركبت الطيارة..
طول ما انا فى الطريق ... كنت عمال ابص من الشباك واقول لنفسى
امتى هشوف مصر بقى ؟؟؟ واخيرااااااااااا ظهر البحر وجبال سيناء ... يااااااااااااه
سعادة كبيرة مكلتنى ... وساعتها حطيت الشريحة المصرية ... فى الموبايل ولقيت رنات كتيرة اوى من بابا واحمد... معقول الكل مستنينى فى المطار ... ولا كله فى البيت كالعادة ؟
يا خبر بفلوس بكرة يبقى ببلاش
يا خبر بفلوس بكره يبقى ببلاش كلمة دنيا قالتها ليا لما قولت ليها تفتكرى علاء هيوافق وهيخطب نيرة ولا لأ ؟
دنيا : بس بردو مش فاهمه ليه مروحتيش مع الكل المطار ..؟
عليا : معرفش ... رغم انه واحشنى بس عاوزة اتعود على عدم وجوده
دنيا : والله حرام اللى بتعمليه ده ... بس تعرفى مين اللى صعبان عليا ؟
عليا : احمد
دنيا : هو الوحيد فى الليلة دى اللى مظلوم ...
عليا : مخبيش عليكى يا دنيا انا بدأت استطلتف احمد بدأت استريح له
بس مش قادره اشيل علاء
دنيا : علاء مش هيتشال فى يوم وليله ...
عليا : تعالى نطلع البلكونة شوية انا اتخنقت
طلعت انا ودنيا وملحقناش لقينا عربية بابا وعمى جايين ورا بعضهم
عرفت علطول ان علاء جه .. ياااااااااااه متتصوروش فرحتى جريت على السلم زى المجنونة
وخانتنى الدرجات فوقعت من على السلم واخدته دحرجه
وجريت ورايا دنيا اللى كانت بتفوقنى وانا فاقده الوعى ..
اول ما دخلت ولقيت عليا سايحة فى دمها جريت عليها ونسيت العالم كله ... وطلعت مناديل
وبدأت اشيل الدم ده .... وعمى اتصل بالاسعاف وجت علطول ...
واولما وصلنا دخلوها اوضة عشان يتفحصوها ... وانا مش عارف ليه دموعى نزلت بدون اى تردد وانا شايف المحاليل فى ايدها والدكاتره والممرضات حاوليها ...
ياترى مالك يا عليا ؟؟ وهتعيشى ولا لأ ؟؟؟ انتى لو جرى ليكى حاجه انا اموت بعدها
معرفش ليه دلوقتى عاوز اصرخ واقول مش هتجوز حد غير عليا ..
حتى لو كتبت عليها دلوقتى وماتت بعدها بدقائق ..
المهم تكون مراتى حتى ولو لثوانى ...
كنت فاقدة الوعى وكنت بدأت افتح عيونى ولقيت نفسى فى اوضة وناس حوليا
فضلت ادور على علاء فيهم ملقتوش ... لغاية ما لقيت واحد واقف بعيد ورا الازاز ...
علاء مش مصدقة كنت عاوزة اقوم ... بس حاسه انى تقيله وفجأة الكل سابنى وانا متربطة من كل مكان ...
طلع الدكتور ولقيته بيقول بسيطة الحمد لله ...
هو كسر فى ايدها وشرخ فى رجلها وبعض الاصابات الخفيفة ... فى وشها وجسمها وهتتروح بسرعة
والدماغ بس فيها ارتجاج والحمد لله اتعالج بسرعة وهى دلوقتى كويسة ...
بس هتكون معانا هنا شوية
ومشى وسابنا معرفش ليه كنت شاكك فى الدكتور ده ... البت متخرشمة قدامنا وهو يقولنا بسيطة وكنت عاوز اضربه واخرشمه زى ما عليا متخرشمه كده
بس ستر ربنا انها وقعت على اخر 3 درجات فى السلم .. الحمد لله ...
ام عليا كانت قاعدة بتعيط وباباها كان بيهديها... وانا بدأت اهدى وبدأت اقول ليهم
علاء : تقدرى يا طنط حضرتك تروحى عليا الحمد لله كويسة والدكتور طمنا
ابو عليا : ايوة يلا يا حاجه
سميحة : لا انا مش هتحرك من هنا غير مع بنتى
علاء ( مسكت ايد طنط ) : اهدى يا طنط هى بإذن الله كويسة وهتقوم بالسلامة
انا هقعد معاها
والد عليا : لا يا بنى انت تعبان ..
علاء : تعب عليا راحة
دنيا " طيب انا هقعد معاك يا علاء ومع عمى
علاء : لا كلكم روحوا انا هقعد معاها
اتفاجئت برد فعل احمد
احمد : وتقعد هنا لوحدك ليه ..؟ انا هقعد معاك يأما كلكم تروحوا وانا اقعد معاها
ردت امى بالنيابة عنى
نادية : لا يا حبيبى انت عندك شغل الصبح ... بس انت كمان يا علاء تعبان وجاى من سفر
علاء : لا يا ماما انا هبات هنا معاها ... كله يهون عشان عليا
بص ليا احمد نظرة غضب وحسيت انه عاوز يقتلنى ... وقالى
احمد : لا يا علاء انت تعبان روح انت وبالنسبة للشغل اخد اجازة عشان عليا
نادية : خلاص يا علاء روح انت يا حبيبى وعمك قاعد مع احمد اهوه
احمد : لا كلكم روحوا وانا هقعد معاها
الكل استسلم للواقع حتى انا وعمى ... وشكر عمى احمد وعلى رجولته ..
حسيت ان احمد انتصر كده عليا .. بس فى نفس الوقت هو خلاص مينفعش اقعد مع عليا غير وهو
معانا .. بقى محرم بينا ... بجد كنت مضايق بس مع ذلك فرحان
لحب احمد لعليا ...
فضلت قاعد جنبها .. بتأملها وبتأمل جمالها ... وبتأمل المخلوقة اللى ملكت كيانى
اه نسيت اعرفكم بنفسى ... انا احمد ... قعدت طول الوقت مع عليا فى المستشفى
معرفش ليه عاوز اقرب منها واحضنها وابعد عنها اى ضرر ..
بحبها .. بس هى مش بتحبنى ... وبتحب اخويا وانا عارف
بس بحاول بكل الطرق عشان تكون ملكى وعشان ابعدها عنه
صحيت لقيت احمد قاعد جنبى ... وزعلت لما ملقتش حد غيره ... ولقيته بيقولى
احمد : حمد لله على سلامتك يا روحى
عليا : الله يسلمك
احمد : انا كنت هموت يا عليا لو كان جرالك حاجه
عليا : هو علاء مجاش ؟
احمد : علاء ... علاء جه ومشى ... صمم انه يمشى عشان تعبان من السفر
اضايقت من الكلمة .. لدرجة دى انا مليش اهميه عندك يا علاء ... وكمل احمد وقال
احمد : بس لو عاوزة اكلمه اكلمه ..
عليا : لا بلاش
طلع احمد موبايله وفعلا كلمه .. وقالى انه مشغول وقالى
احمد : اكيد بيكلم نيرة ... انتى عارفه بقى اتنين مخطوبين وبيحبوا بعض
كنت عاوزة اضربه بأى حاجه قدامى ... بس مكنتش قادرة ..
احمد : لحظة هروح اجيب الفطار ليكى ..
وراح يجيب الفطار ... وتنفست الصعداء ... ياربى لدرجة دى انا مليش اهميه عند المخلوق ده
لدرجة دى انا قليلة عنده ... انا مليش لزمة
وبيجرى اوى عشان يلحق الست نيرة ... يلا يشبعوا ببعض
صحيت وملحقتش انام ساعتين على بعض من قلقى على عليا ... فقمت ولبست هدومى استعداد
انى اروح ليها ... ونزلت لقيت ام عليا وابوها رايحين .. فقولت اروح معاهم وقفتى امى وقالت ليا
نادية : استنى يا علاء عشان عاوزاك
والد عليا : طيب يا علاء نستناك ولا نروح
علاء : مش عارف
نادية : لا روح انت يا حاج اصل هتكلم مع علاء فى موضوع مهم ..
ومشيوا والد عليا وامها .. وكنت مضايق من امى اوى ... وقولت
علاء : نعم ..
نعرف الباقى المرة الجاية

قصة جميلة تسلم ايدك لا تخلو من الابداع