يا صانع المكياج
يـا صانـع المكياج الله يجـازيـك
خليتني مخـدوع فـي شكـل خِلـي
الله يحـرق مصنعـك مـع مبانيـك
والمعرض الموجـود في بيكاديلـي
أدعي عسى تعمى وتنشـل رجليـك
هـذا دعائـي دوم لا جيـت أصلـي
خليتني أركـض ورا البنت هاذيـك
واشوفها أجمل غـرام ٍ حصـل لـي
قلبي عشقها يا حبيبي توماتيك
هي رحبت بـي وقالـت الله يحييـك
وقالت هلا باللي عشق زيـن شكلـي
وقالت أنا أجمل بنت في اللي حواليك
شف حسني الأخاذ وروجي العسلّـي
طالعتها ثـم قلـت هالقلـب يبغيـك
ومن شاف حسنك خلى غيرك يولـي
ابغي أشوفـك دون مكيـاج يكسيـك
وابغـي أشوفـك بالجمـال المحلـي
قالت تبينـي أفـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي
قالت دقايق راجعـة لـك واراويـك
ذاك الجمـال اللـي لعينـك يسـلّـي
ويوم رجعت لي شربكتني الشرابيـك
وحسيت الارض تدور وانـا بمحلـي
الخدّ كنه يا حياتي سيراميـك
والوجه شارع مثـل شـارع حولـي
الوجـه كنـه بيـت كلـه شبابيـك
من هالحفر في وجهها اللـي يعلّـي
كلـه سبـب مكياجـك الله يجازيـك
خليتني مخـدوع فـي شكـل خلـي
ونصيحتي لكل شاب من غير تشكيك
لا لا اتسـرع ثـم تنغـش مثـلـي
اللـي بـلا مكيـاج خلهـا حواليـك
واللـي تحـط مكيـاج خلهـا تولـي
واتمنى الصبايا ما يزعلوا
تحياتي هع هع هع
