صرخة من اهوار جنوب العراق

سلاما هور الحويزه من ايران اجاك الشر.
سلاما ياأرض ميسان كان الخير الج منظر.
صدام النشف الاهوار او يبس كل حلو ينظر.
اوهسه الآغه كملهه يؤكد هُمه فد مصدر .
على ارضي يزيل أملاح يريد الصافي يتعكر.
ويريد امنلعراقي ايعوف ارضه ومن هله يهجر.
الكل خانو عراق احسين والكل غدروا أبحيدر.
كذب كل العمايم زيف اوغش الروس تطبر.
احسين اينادي بالاصلاح أو أرضي بالملح تشتر.
يمهدينه تعال اوشوف هذا الخامني اشصّدر.
ينادي بالولايه اسلام يتباهه اعليه يتبحتر.
ويشرب من زلال الماي وانه من عجافه اجبادي تتفطر.
صفه حالي كحال احسين وانه بهاي أتفاخر.
بس هوه مصيره وين اخافاً وي يزيد أنجر.
اوعنده اهناه كلب اجرب حارس للمصالح خاف تتغير.
اسمه مقتدى ايلقبوه سفاح العراق أو سيفه بالدمه يقطر .
منه أومن مليشياته فساد امتلت بحر اوبر.