صندوق الحواديت...!!!

عندى صندوق...صغير
مسحور سحره... يحير
ييجى نص متر فى ربع...!!!

صندوقى فيه رسوم....
على كل شكل ولون...
فيه كل...وأى قصة...
بخيال جرىء مجنون...!!!

وبابه لونه ذهب...
يفتح عند اللزوم...!!!

ادخل صندوقى... اتوه...
اطفال ورود...وخيول
وبنات زى القمر....
على كل شكل وجنس...

وهناك فوق الشجر...
حورية بعيون جميلة...
واللى يشوفها يحس...
دا لا فى خيال انسان ...
ولا حتى فى الف ليلة...!!!

خرجت من صندوقى...
فرحانة مش عايزة افوق

قفلت بابه الذهبى...
باب صندوق الحواديت...
اللى عليه رسوم...
على كل شكل ولون...!!!

الباب شبك فى قميصى...
وقع الصندوق واتهز...
واتلخبط لخابيط...!!!
فتحت باب صندوقى...
خايفه عليه من الكسر...
اطمن عل الحواديت...!!!

ببص من بعيد...
لقيت عجب العجاب...
شجر فران...بقرون...؟؟
وقط ماشى على الحيط...
وغيطان مزروعة سحاب....

ده وهم ولا جنون...؟؟؟
ولا انا احوليت...؟؟؟

جريت على البنات...
اطمن على اللى فات...
لقيت تلات قمرات...
بسمة من غير هموم...!!!
حمدت ربى عليهم...!!!

قربت سألت سمرة...
ايه اسمك يا شاطرة...؟؟؟
ردت بصوت خشن...
سيد ودلعى...شوق...!!!

وجريت على واحدة تانية...
بصيت فى وشها ثانية...
لقيت شنب ودقن...
بحلقت اوى من الخضة...!!!

خرجت وانا مدهوشة...
وبصدمتى مرعوشة...
نسيت باب الحواديت...
من لخمتى...بالفطرة...

خرجوا ولاد الايه...
اقصد بنات الايه...
ماعرفش هما ايه...
بالزيطة والتنطيط...
والدهشة مالية وشى...
سامحينى يادنيا طاهرة...!!!

دول غلطتى...انا
ولو شفتوا يوم صدفة...
ولد شعورة طوال...
او بنت مسترجلة...
لا متخافوش...
دول مش وحوش...
ولا جنس تالت حتى...

دول بس جم...غلطة...
من عند صندوقى...
ييجى نص متر فى ربع...
اللى عليه رسوم...
على كل شكل ولون...
صندوقى.......
صندوق الحواديت...!!!

عنجد موضوع غايه الروعه

[ندعوك للتسجيل في المنتدى أو التعريف بنفسك لمعاينة هذا الرابط]
&&**تحياتي ماريا**&&

URL=http://up.7cc.com/][ندعوك للتسجيل في المنتدى أو التعريف بنفسك لمعاينة هذه الصورة][/url]

اسعدني مرورك الكريم
على متصفحي البسيط
انترت وعطرت المتصفح بتواجدك
كل الاحترام لشخصك ماريا

[ندعوك للتسجيل في المنتدى أو التعريف بنفسك لمعاينة هذا الرابط]

» يلا اي صندوق تختارو........الكل يدخل
» الدرس السابع عشر: تصميم صندوق للبيانات
» [ الدرس الثاني ] .: شرح صندوق الأدوات - صور + فيديو :.