شرف اسمج عالخلايق ... فاطمه يافاطمه
كل حرف ايمان ناطق ... فاطمه يافاطمه
انت فاطمة البتول .... هذا تصريح الرسول
....
فاطمه الزهره الزجيه بضعه من خير البرايه
من صلب طاهرخلقها وخصها عالاكوان آيه
ثمره من جنه الباري مخصصه باعظم مزايا
للنبي الباري هداها مكلله بحســـن السـجايه
نور من انواره بارق ... فاطمه يافـــاطمه
نور هادينه يعانق ... فاطمه يافاطمه
شمس ماتعرف افول .... هذا تصريح الرسول
....
فاطمه سورة الكوثر هل آتى حملت فضـلها
فاطمــه ياســـين بيها ســـلم البــاري وشملها
فاطمــه التطهير بيها قرت وسـجدت لأجلها
فاطمــه الشمس وضحاها متممــه بفاطم جملها
ناجي من لجلج يصادق ... فاطمه يافاطمه
يدخل الجنات واثق ... فاطمه يافاطمه
جنه من حبج ينول .... هذا تصريح الرسول
....
فاطمـــه ســـرالله بيــها هي للباري الوسيله
فاطمه مشكاة نور الباري قدمها الخــليله
ماعرفهابس ابوها هي شمس وتضوي ليله
نورها العالم يجهله فاطمه الفكره الجليله
لويبحثون الحقايق .... فاطمه يافاطمه
ينصعق فكر المنافق ... فاطمه يافاطمه
يعجز الظن الوصول .... هذا تصريح الرسول
....
فاطمـــه الباري لاجلها فطر هالسبعه و دحاها
والارض خشعت حياءا دارت بمحور رحاها
فاطمـــه طـــه ومحـــمد هي بنتــــه وام ابـــاها
ولجل فاطم يغضب الله ويرضى بارينه الرضاها
وليضد هالفكره مارق ... فاطمه يافاطمه
خارج على الدين فاسق... فاطمه يافاطمه
واقترف ذنب مهول ... هذا تصريح الرسول
....
فاطمه الباري جعلها مرتكز نبـــع الأمامــــه
وصله بين الله ونبيه ومصدر الكون ونظامه
ويه طه وويه حيدر فاطمــــه نالت كـــرامه
بت نبي الامه وبعلها اتتــــوج بتاج الزعامه
بيده ســــيف الله صاعق .... فاطمه يافاطمه
عالكفر صمصام ساحق .... فاطمه يافاطمه
من يرده من يصول ... هذا تصريح الرسول
....
فاطمه قدسي اصلها ويه السما اتوثقت صلتها
اول اســــرار البدايه شـــجره بالجنه احملتها
ثمــرة الفردوس هيـــه وكوثر الباري رعتها
بالعرش تمم عقدها الباري واملاك احضرتها
بس علي للزهره لايق ... فاطمه يافاطمه
جمع نورين بتوافق ... فاطمه يافاطمه
ذكرته ايات النزول .... هذا تصريح الرسول
