مسآء الخير
اقبلوا مني هذه المتواضعه
،
يالله لاتجعل على الارض ظـلاّم
.......................يلي إليـك المشتكـى والطلايـب
/
مافيه غيـرك بالمخاليـق عـلام
......................تعلم خفيات العـدى والصحايـب
/
ترازم همومي لهـا عـدة اعـوام
....................تجلب على قلبي صنوف العقايـب
/
لـو انهـا ودت ولا جابـت آلام
.......................ماكان حطتنـي بوسـط النشايـب
/
بس البلا مركوزتن مثل الاعـلام
.........................وإلا مثل ركز القبـر والنصايـب
/
لا واعذابي من صواديـف الايـام
.........................الي تفرق بيـن شمـل الحبايـب
/
كم واحدن من واهج الحب منظـام
........................يذراه حزنه مثـل ذري الهبايـب
/
وكم واحدن عقب المحبه والأحلام
......................يمسي وهو مدفون تحت الترايـب
/
تبكي عليه الفاتنـه مثـل الأيتـام
..........................والدمع حره مثـل حـر اللهايـب
/
ولا ياوجودي وجد مكسور الاقدام
.........................خلوه ربعه دون ذنـب وسبايـب
/
خلوه وجهتهم من الشـرق للشـام
...........................واقفو وعينه للزمـل والركايـب
/
يوم انتخى ماحوله ربوع واقـوام
..........................راحت محاسـن نيتـه للقرايـب
/
هذا وجودي لا طرالي من العـام
.......................عذب الوصوف الي به القلب ذايب
/
حكمه عليّه بالهوى حكـم صـدام
........................يأخذ على المجني عليه الضرايب
/
أقول له قلبي عن الحـب صـوام
.......................ويقول لي قلبك من الحب شايـب
/
وأقول له حبي غدى عقبك اوهـام
...........................ويقول لي ماذقت مـر الغلايـب
/
الحظ ما انصفني علشانـه وقـام
..........................ماغير جدد بي كثيـر الصوايـب
/
ليته معي ماصار مخطـي ولـوام
..........................ولا تركني بين جـرد المصايـب
/
اشكي عذاب العشق والعشق مادام
............................لكن لي الله يازمـان العجايـب
