hadjer
*/*/*//عضو برونزي //*/*/*
عدد المساهمات : 420
تاريخ التسجيل : 26/06/2010
العمر : 33
 | | موضوع: قصيدة الجنة الحمرا الأحد يوليو 04, 2010 2:36 pm | |
| مازلـنـي شافــي مازال عُـمـري ننـسـاها موحال كـان دايـق بـيـا الحـال ننـسى هـم القيـل و القـال علاش عـليـا رافد لجـبال نـخرج بَرى نرّيـح الـبال مشيت يمين و مشيت شـمال قـلـت هـذاك هو الحـل
لقـيت مكان واحد حال
و مكـتوب عند الاستـقبـال
غـير دخلت عجبـني الحـال
عمـري و لا درت فاْلبَــال
واش من حسـن الاستقـبـال
أتهلاو في سـيد الـرجـال
اعطـولوا يـذوق شويا الفال
هـاذا لمـكان راهـو ملقلال
الناس زاهيين و كـلشي حلال
ما تسمعش القـيل و القـال
هنايا الهدرة غيـر بالـمال
و باش تبان ما بيـن الرجال
و أنا دراهمي كـانـو قلال
باش نرميهم يـمين و شمال
جيـت الهنا نـريـح البـال
و لا عمـري درت فالبـال
و نلقـى روحي فآخر الحال
نحرمها مـن قوت لعــيال
و بديت بعيني نشوف فالرجال
و غيـر يـخلا صـلهم المال
ولتم فهمت وعلاش قـال
فيهــم مـنـافـع قـلال
وذاك النهـار تعلمـت شحال
قيمـة الـدار و قيمة لحلال
خرجت ما درت لا يمين لا شمال
ما نولـيـش اللهـنا مـحـال
كـيـفاش كـانت أول مـرة
خـّلات داخـل قلـبي جـمرة
خـرجت نـمشـي شويا بَـّرى
و نـنسى هَـم الدراري و لَمْرى
و حامل هـاذ المـعيـشة الـمرة
و ننسى الشي الـي راهو يصرى
مـن بـعد كيلي جـاتني فكرة
مـا تـْفريـهـا غـيـر الـسكرة
الـضو شـاعلـة فـيه و مـنـورة
مـرحبة بـيـكم فـالجنة الـحمرة
حـصرا الـشي اللي راهو يصرى
نلقـى النـاس هــكذا سـاهـرة
أتفضل وأدخــل فـالحـضـرة
و أفتحـولوا قــرعـة خـضرة
باش يـولـي مـرة اخـرى
و فيـه همـومـك كامـل تـفرى
غير الضحـك واللعـب و القـسرة
كي تشوف وحدة تـنسى لـخرى
أو من غيـرو ماكانش هدرة
لازم تـكون عـنـدك الشـكـارة
و حتـى لـوكان كانو خـصارة
فالتـمسـخير أو فـالـدصـارة
و ننسـى همي و جرحي يبـرى
هـاذ الشـي الي رايـح يـصـرى
مخلي زوجـتي عليا محيـرة
و نجـي نـمدهـم لـوحدوخـرا
لما يجوا يدخلـوا بـنضـرة
تولي الخرجة حـاجة وحـدوخـرا
ربي على لقـمار و الخـمـرة
و الباقـي إثـم و مـضرة
القيمة تـاع الـدراري و لـمـرى
و قيمـة الخـبزة فـي مايدة مدورة
و حـلفـت بالله هــاذي الـلخرا
و مـا زادت طاحت فـي فمي قطرة | |
|
ابو احمد
**//نائب المدير**//**
عدد المساهمات : 6783
تاريخ التسجيل : 27/12/2009
| | موضوع: رد: قصيدة الجنة الحمرا الإثنين يوليو 05, 2010 9:25 am | |
| يسسسسسسسسسسسسسلمو هاجر على قصيدتك الرائعة
وتقبلو مروري المتواضع الفقير الى الله محمد
واتمنى انك تحطي قصايدك في منتدى الشعر
مازلـنـي شافــي مازال
عُـمـري ننـسـاها موحال
كـان دايـق بـيـا الحـال
ننـسى هـم القيـل و القـال
علاش عـليـا رافد لجـبال
نـخرج بَرى نرّيـح الـبال
مشيت يمين و مشيت شـمال
قـلـت هـذاك هو الحـل
| |
|
عسل العرب
@@مديرة المنتدى@@
عدد المساهمات : 11618
تاريخ التسجيل : 11/12/2009
العمر : 33
الموقع : بغداد
| | موضوع: رد: قصيدة الجنة الحمرا الخميس يوليو 08, 2010 5:13 am | |
| شكرا اخت هاجر على الموضوع
لكن... هل انتِ شفتي مثل هاذا المكان ؟؟؟؟
او... انت دخلتي لهاذا المكان ؟؟؟؟ | |
|
