السلام عليكم ورحمة الله وبركاتو
يالله حي الشباب اقلطوو [ندعوك للتسجيل في المنتدى أو التعريف بنفسك لمعاينة هذه الصورة]>> هاات القهوه ياولد
طبعا الكتاب باين من عنوانه
الموضوع طول الله في عماركم أبي أعرف وش معنى الرجوله في نظركم ؟!!من ناحيتي أنا وبرايي ان الرجوله شي ينقاس بالذهب
ماهو اسم وبس الرجوله قول وفعل
الرجوله مواقف أنا اشووف ان فيه ناس
تجيهم الحكمه والرزانه في مواقف تافهه ومالها معنى
والموااقف الجديه تلقااه مرجوووج ومخفه وهذي اللي تسمى رجولة لك عليها
وفيه ناس ماله على ماقالو فالسايق مسيوق يعني رجولة بالاسم
واللي يقهرني في بعض الناس أنه عشان اسمه رجال خلاص محد يحاسبه
عى كلامه يقول الفاظ وشغلات ماتسوى
لعصب جااب حرته كلها في شرف الناس ياخوي تهاوشت مع واحد وودك تبرد
قلبك سبه هو اهله وش دخلهم تحشرهم وتاخذ اثمهم وترد الكلام بأهلك
كلامي ذا مااقصد فيه أحد ولا ابي اصير مفتي بس الصراحه راحه
أبي من كل شاب يدخل هنا يقولي رايه بالرجوله ووش معناتها بنظره
وفي نفس الوقت الموضوع مفتووح ومتعدد المشاركات
يعني لاهنت بعد ماتقول رايك
مافيه مانع تعزز كلامك بمثل يعني المقصوود
كل مادخلت المنتدى تكتب لنا موقف في شخصك او في غيرك أعجبك
وحسيته موقف رجولي
عسى عجبكم الموضوع وعسى بعد ماثقلت عليكم
وانتظر طلتكم المتواضعه 
