معا سندخل الجنه باذن الله

موضوع نقلتو علنا جميعا نستفاد منه
وهو عباره عن مجموعة حلقات
ساتناول في كل يوم موضوع
راجيه من المولى ان يجعله خالصا لوجهه الكريم

l l ~ بـصراحهـ ~ l l

"انا بكلم صاحبنا على الموبيل علشان نتفق هنتقابل فين وكده "

+السلام عليكم

ازيك ياباشا ؟

=الحمد لله بخير

وانت ايه اخبارك ؟

+الحمد لله بخير

ايه مش هتخرج النهارده

=يلا ده انا مستنى اتصالك

انت فاضى دلوقتى

+انا مفضّى نفسى علشانك

=طيب يلا بينا دلوقتى

+يلا بينا

5 دقايق وتلاقينى تحت بيتك

=لاء طبعا

انت اللى تجى ليا ازاى

ماينفعش ؟

+ليه فيها ايه يعنى ؟

=فيها كتير ..ماينفعش وخلاص

ازاى انت تيجى

+انت عندك مشكله !!

=لاء بس الاحترام يقول انا

اللى اجى لك

+الاحترام على عينى وراسى

بس كلنا بشر

مفيش فرق بيننا

كلنا عباد لله

انا جاى لك

=ماشى مستنيك

"المهم اتقابلنا وطلعنا على البحر نتمشى

ووصلنا ووكنا رايحين نقعد فى كافيتريا

لكن صاحبنا رفض علشان عاوزنا نتعزل

عن العالم علشان نتكلم برحتنا ورحنا قعدنا على صخره قدّام البحر "

+يلا يا سيدى

عاوزك تطلع كل اللى عندك

= بس ممكن طلب

+اتفضل

=انا هتكلم بصراحه جدا

بس مش عاوزك تتكلم

الا لما اخلّص

+ماشى يا سيدى

اتفضل

وعاوزك تعيش

محدش سامعنا خالص

وعاوز تطلع كل اللى جواك

=بص يا سيدى

انا بقى

يوم قريب من ربنا
وشهر بعيد تماما عن ربنا
وطبعا طالما انا بعيد
الشيطان ربنا يلعنه
بيستلمنى
وبيخلينى ابعد اكتر
واعمل كل الذنوب اللى ممكن تتخيلها
عملت ذنوب محدش عملها
كنت بأخترع ذنوب ومعاصى
لانى زهقت من الذنوب التقليديه
عملت كل حاجه

+زى ايه ؟

=دخلت واتفرجت على مواقع اباحيه

ومش بغض بصرى خالص
شربت سجاير ومشيت مع بنات
وكنت بسلّم عليهم جدا
وكنت بتعمّد اشترى بنطلونات معينه
علشان اسقطّها
ولبست حظّاظه
وسلسله
وادمنت سماع الاغانى
كلها لكل الناس
حتى الاغانى الدينيه
قلت كل الالفاظ الزباله
وكنت بجيب فى سيره اصحابى فى غيابهم
وكنت مغرور بنفسى اوى
ومش بسمع كلام
ابويا وامى
مطنشهم خالص
وكان بيعدّى عليا ايام
مش بركع فيها
ورغم كل ده ربنا بيسترنى
ومش بيفضحنى
ياااااااااااااااااااااااااااااه
بجد
مش عارف
اعمل ايه
بجد
مخنووووووووووووووووووووق جامد
حاسس ان الشيطان ربنا يلعنه
مكتفنى جدا مش قادر اتحرّك
كذا مره
اقول هصلى وهبقى راجل
وبفشل
كذا مره اقول لربنا
يارب سامحنى مش هعمل كده تانى
واوعده بس كما كنت ارجع اكتر من الاول
بجد اتخنقت مش عارف اعمل ايه
حاسس ان الدنيا اسودت فى وشى

"يقطع الحديث بكاء صاحبنا "

+اهدا كده ووحد الله

=لا اله الا الله

=لا اله الا الله

مش عارف بجد عاوز ارجع

بس هل هيقبلنى
ولا هيقولى انت جيت ليه وبرفضنى
بجد خايف اوى

+طيب انت دلوقتى قلت مين انت

سؤال بقى

مين ربك ؟

=هو الغفور الرحيم العزيز

+انا عارف وانت عارف

بس هل انت حاسس

="صاحبنا يبكى "

+تعرف ان ربنا اسمه

المؤمن

=عارف

+طيب يعنى ايه ؟

=مش عارف بصراحه

+المؤمن يعنى اللى ديما عارف احنا مين

مش مهم الدموع لما تتوب

المهم انك عاوز تتوب بجد
عاوز ترجع
عرفت غلطتك
عرفت انت مين قدامه
عرفت انه ممكن يسحب منك اى نعمه
على الاقل لانك استخدمتها غلط
وسعتها لو عملت ايه
خلاص ممكن يسحب منك حياتك
وساعتها اعمل اللى انت عاوزه
لو عملت ايه خلاص
كل شئ انتهى
للاسف احنا لحد دلوقتى
لسه مش عارفين ربنا كويس
مش عارفين يعنى ايه
الغفووووووووووووور
يااااااه لو نحس على دمنا
يااااه لو نعرف معنى التواب
ليه مش التائب
لانه كان هيتوب عليك
بس لو عملت نفس المعصيه تانى
خلاص
مش هيتوب عليك لانه تاب عليك مره وخلاص
وانت مصمم
على فكره بص انت عملت ايه
ورغم كل ده
ربنا بيحبك

=ايه !!!

بيحب مين ...مستحيل بعد كل ده يحبنى

+بيحبك ..

=صعب دلوقتى صدقنى

+بص هديك مثل
ولله المثل الأعلى
لو والدك زعق لك علشان عملت حاجه غلط

هل معنى كده انه مش بيحبك

=لاء طبعا بيحبنى بس هو زعلان منى شويه

علشان عاوز لى الخير

+طيب ربك حبيبك بيحبك بس زعلان منك شويتين

علشان عاوز لك الخير كله

= وانا والله بحبه اوى

+ وهو بحبك اكتر بيقولك عيش حياتك صح

واضمن اخرتك

بيقولك الدين سهل
تصدق ممكن وانت نايم تاخد ثواب
وانت بتلعب تاخد ثواب
بس من جواك خلى نيتك خير
علشان تريح نفسك شويه وتفوق تكمل يوم الطاعه
بانك رايح تلعب كوره وتقعد على الكمبيوتر
صدقنى افهم حياتك صح مره
حياتك كلها هتتغير

=نفسى بس مش عارف

+ليه ...مش صعبه

=طيب ازاى ؟

+شايف كل الحاجات اللى انت عملتها

كلها

تخيل معايا
كل ده اتمسح من حياتك
وكمان تخيل كده
انت بتلعب كوره
ولما الحكم يظلمك فى كوره تعذره
بأنه ما اخدش باله ومش قصده
وتبتسم فى وشه ولما الصلاه تأذن
تسيب الكوره وتروح تصلى
وترجع تكمل كوره ولما تروح تاخد دش
بنيه النظافه من الايمان وان الله جميل يحب الجمال
وتدخل تريح لك شويه
بنيه انك تريح جسمك من التعب علشان تعرف تكمل يومك وتصلى بقلب وخشوع
مش تبقى عاوز تنام
ولما مامتك تجى تصحيك
تصحى وتبتسم فى وشها بنيه بر الوالدين وكمان
نيه ان الابتسامه صدقه
وتدلعها وتقول لها حاضر يا جميل وايه القمر ده
وكتير عليا اصحى من النوم على الحلاوه دى
وتقوم تقعد على الكمبيوتر شويه بنيه الاتصال بالعالم
لان ربنا قال وجعلناكم شعوب وقبائل لتعارفوا
بس طبعا مش مع البنات
كل شىء بحدود
وكمان تشوف اخبار العالم وتدخل على المنتديات
وتحط مواضيع علشان تفيد الناس
واثناء جلوسك
بتسمع اناشيد جميله او قرآن
ولما الاذان يأذن تقوم وتسيب الكمبيوتر
وتروح تصلى واثنا ما انت ماشى تقول لكام واحد السلام عليكم
يلا 60 حسنه وراسم ابتسامه حلوه
زى ماقلنا ابتسامه بصدقه
وترجع تلاقى ماتش تتفرج عليه
وتضحك
وتهزر شويه مع اخواتك ومع اصحابك وتخرج

=ياااااااااااااه لو اعيش يوم واحد بس كده

+طيب ايه رأيك لو تعيش كل حياتك كده

=.ياريت نفسى ايدى على ايدك

+طيب يلا بينا نبدأ

=يلا بينا

انتظرونا فى الحلقة القااادمة بعنوان

غض بصرك

[ندعوك للتسجيل في المنتدى أو التعريف بنفسك لمعاينة هذا الرابط]

جزاااااااااااكي الله خير الجزاء اختي مروج على تميزك المستمر
وتقبلو مروري المتواضع الفقير الى الله محمد

[ندعوك للتسجيل في المنتدى أو التعريف بنفسك لمعاينة هذه الصورة]
يعطيكى العافيه اخت مروووج
على موضوعك وعلى جوانبه
ومضمونه ورسالته لكى منى
كل الحب وتمنياتى بدوام النجاح
وجعله الله فى ميزان حسناتك
تحياتى تقبلى مرورى كل الحب
مصـــــــــــــــــــــــــــــــــــــــــــــــــراوى
[ندعوك للتسجيل في المنتدى أو التعريف بنفسك لمعاينة هذه الصورة]

بارك الله فيكي وجزاكي الله خير الجزاء

اكسمان كتب:: جزاااااااااااكي الله خير الجزاء اختي مروج على تميزك المستمر
وتقبلو مروري المتواضع الفقير الى الله محمد

[ندعوك للتسجيل في المنتدى أو التعريف بنفسك لمعاينة هذا الرابط]

$!مصراوى!$ كتب:: [ندعوك للتسجيل في المنتدى أو التعريف بنفسك لمعاينة هذه الصورة]
يعطيكى العافيه اخت مروووج
على موضوعك وعلى جوانبه
ومضمونه ورسالته لكى منى
كل الحب وتمنياتى بدوام النجاح
وجعله الله فى ميزان حسناتك
تحياتى تقبلى مرورى كل الحب
مصـــــــــــــــــــــــــــــــــــــــــــــــــراوى
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

سيف الدين كتب:: بارك الله فيكي وجزاكي الله خير الجزاء

[ندعوك للتسجيل في المنتدى أو التعريف بنفسك لمعاينة هذا الرابط]

عسل العرب كتب:: [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

» معا سندخل الجنه باذن الله ( 2 )
» من دعا بهذا الدعاء استجاب الله له باذن الله
» نسائم الجنه معا نسعى نحو الجنه
» رؤيه الله فى الجنه
» مقطع جميل جدا عن رؤية الله في الجنه