قصه واقعيه حصريه

السلام عليكم ورحمة الله وبركاته...

حبيت أنقل لكم قصه حصريه خلصت من اسبوع حصلت مع خويتي وحبيت أكتبها للعبره ...

خويتي ملتزمه الله يحفظها ومملكه دقت علي فيوم مرتبكه وخايفه قالتلي إن فيه واحد يدق عليها ويقولها انتي فلانه بنت فلان وأمك اسمها فلانه وساكنه في ..... وكذا معلومه عطاها انصدمت لأن كل المعلومات صحيحه قالتله :شتبي فيني .
قال : ابي أتعرف عليك .
قالت : انت منو ومن عطاك كل هالمعلومات.
قال : خويتك .
قالت : لا تهبى انت كذاب أنا واثقه من خوياتي .
قال : ههههههههههه واثقه ههههه وحده من الشله اللي دوم تقعدين معهم خوياتك هي اللي عطتني الرقم والمعلومات .
قالت : جعلك للحادث إن شاء الله .
قال :لاتدعين علي ووالله اني الحين ماشي بسيارتي وجعلي للحادث انها خويتك اللي عطتني رقمك هي تحبك ودايم تسولف عنك وطلبتها رقمك وعطتني اياه وانا والله ماني بديرتك هي عطتني معلوماتك .
قالت :الله لايوفقكم .
قال :هذي هي انتظار تدق علي.
وسكرت...طبعا ً رفض يقولها منو هي كانت مرتبكه حيل لأنه عارف كل شي عنها.
طبعا ً عرفناها لأن بعد ماسكر بربع ساعه تدق عليها وتسأل عن أخبارها وتسألها شفيها نفسيتك كذا مع انها مو من العاده تدق ولأن كانت فيه مواقف لها الله يهديها مو حلوه .
طبعا ً خويتي ماقدرت تواجهها خافت تتبلاها أكثر من كذا ابعد عن الشر وغنيلوه .
صار يدق عليها ورقم ثاني يزعجها ...
قامت قبل الفجر على إزعاجه وتوضت تبي تصلي ودعت عليه بالحادث وهي خايفه لايوصل لابوها أو اخوانها لأنه عارف عنها كل شي .

بعد فتره دق عليها رقم غريب ردت:ألو.
وجاها صوت واحد باكي مخنوق يالله يتكلم:السلام عليكم.
قالت:وعليكم السلام.
قال :تعرفين صاحب الرقم هذا..........
قالت :نعم شتبي.
قال:تكفين سامحيه امس صار له حادث وتوفى تكفين سامحيه وأنا اللي كنت أزعجك من الرقم الثاني تكفين سامحيني.
...طبعا ً بهاللحظه انصدمت من الخبر اللهم انا نسألك حسن الخاتمه...
قالت : مسموح الله يرحمه ويسامحه.

هذا صار قبل اسبوع بالضبط.

..فغايتي من نقلي لقصتها العبره ...
...أخي العزيز..أختي العزيزه ..
تأكدوا من أن دعوة المظلوم مستجابه فاحذرو أن تكونوا ظالمين وتكون لكم مثل دعوتها...
...لاتثق لاتثقين بالأصدقاء قد ننصدم بأعز الأصحاب مثل ماحصل بهذه القصه...
...أخي العزيز لاتنسى بأن لك أخوات وإن لم يكن لك ستكون لك زوجه فيجب أن تخاف الله في بنات الناس...
...أختي العزيزه إن كنتي غارقه فيما لايرضي الله فلا تسحبي غيرك إلا ماأنتي عليه تحملي اثمك انتي دون اثم غيرك أسأل الله لك الهدايه...
...دمتم بحفظ الله...

منقول

[ندعوك للتسجيل في المنتدى أو التعريف بنفسك لمعاينة هذه الصورة]

شكر عسل على العبره هاد والحمد الله ولكن غلط البنات بشى

المفروض حد زهقها اذا ماشيه صح تخبر ابوها يرد عليه وصدقينى ما راح يكررها

او انها تريح راسها وتكسر الخط وتجيب واحد ولا تعطيه الا الا اصحابه المقربين

وان الله يمهل ولا يهمل ولكل ظالم نهايه واللهم احسن ختمتنا

شكرا للموضوع وتقبلى مرورى

شكرا الك مصراوي لمرورك بمتصفحي
بالفعل اخي كلامك صحيح
البنت لو اتعرضت لهيك موقف من الافضل انها اتخبر اهلها
عشان يفضل موقفها سليم وماتتحط موضع شك ابدا
وكمان لو اهلها اتصرفو اكيد هالشخص ماكان ائدر يرجع يكلمها ابدا
دمت بود

باااااااااااارك الله فيكي اختي عسل على هي المشاركة الرائعة

وتقبلو مروري المتواضع الفقير الى الله محمد

..أختي العزيزه ..
تأكدوا من أن دعوة المظلوم مستجابه فاحذرو أن تكونوا ظالمين وتكون لكم مثل دعوتها...
...لاتثق لاتثقين بالأصدقاء قد ننصدم بأعز الأصحاب مثل ماحصل بهذه القصه...
...أخي العزيز لاتنسى بأن لك أخوات وإن لم يكن لك ستكون لك زوجه فيجب أن تخاف الله في بنات الناس

تسلم الاياااااااااااااااادي
عسووووووووووووو
بالفعل قصه معبرة
ولكن بيت سر البنت امها
ويجب ان تخبرها بكل شى
والله يستر علينا
تقبلي مروري
لك حبي

» قصه واقعيه
» قصه واقعيه
» اشعار واقعيه ولاتزعلووووووووا
» : قصه خياليه واقعيه سبحان الله
» قصة واقعيه - امواج عاطفيه