لا والله << طيب وفيك الخير >> # فاقدني #!!!! ,
واضح كلامي وادري فيك فاهمني
لا عاد تنشد على قلبي وأفعاله
أرجوك كافي دخيلك روح وفارقني
حيران قلبي معاك... وحالته حالة
ما كان له داعي تحرجني وتلاحقني
داريت حبل الوصل وإنقطعت حباله
لا قلت لك ( لأ ) يعني لا تناقشني
أناآخر إنسان يتراجع عن أقواله
إحفظ كرامة غلاك ولا تناظرني
لو صار قلبك ذهب ما أقبل وصاله
صبرت ياما وكان الصبر جارحني
أضحك وعيني تصب الدمع همّاله...
ناديت وغير الصدى ما أظن سامعني
عانيت لجلك ... وقلبك مو على باله
والحين لما نسيتك قلت : واحشني !!
تسأل عن أخبار قلبي وآخر أعماله
<<لا والله طيّب وفيك الخير .. فاقدني>>
تعّبت نفسك وقلبك تارك أشغاله....
لا تحلف إني على بالك وذاكرني
الحب صعبة .. على قلبك وأمثاله
وإن كان فعلا بوجهك دم ... فارقني
ولا تقول صدفة لقيتك هذي مو حالة
