ha hahahahahaaaaaaaa

موضوع: *ha hahahahahaaaaaaaa* السبت مارس 20, 2010 5:05 pm

اربع محششين حرابيق طالعين بتكسي. الشوفير كمان محشش , بدّن ياكلوا الاجرة عالشوفير قام اتفقوا انو ينزلوا بسرعة بس توقف السيارة وفعلا وقفت السيارة

قام فتحوا الابواب بسرعة واشتغل الركض رجليهم تدق بضهرهم من السرعة وفاتوا ببناية عالعظم

وطلعوا اول طابق....تاني طابق....تالت.....هيك حتى وصلو لاخر طابق لزقوا بالحيطان ولا حِس ولا نفس,

بعدين واحد منهم لكش اللي جنبو وقال له: يا ترى شو صار بالشوفير؟؟؟

قال له: لك انا الشوفير بس قلي شو القصة؟!

*************

واحد احترق محلّه ...

سألوه : انشالله ما خسرت كثير ؟؟

قال : لأ .. كنت عامل تنزيلات

*****************

فيه عجوز حمصية طبّوا عليها حراميه وسرقو التلفزيون، قامت لحقتهم ركض عشان تعطيهيم الريموت كونترول

************************

حمصي يقول لأبوه: يابا، بدّي اكمّل دراستي برّا ...

قال له أبوه: ما عندي مشكلة يابا، هلأ بخلـّي امك تفرشلك بالجنينة، بس انتبه من البرد

**************************

وحدة حمصية ضاعت شنطتها راحت تبلغ الشرطه قالولها ولا يهمك روحي البيت و إحنا بنطلع الشنطة من تحت الارض.

وهي رايحه شافت بالشارع عمال البلدية يحفرو، قالت لهم: شدّوا حيلكم يا شباب، الشنطة لونها بني

***********************************

مرة واحد وجعه ضرسه قام راح الى طبيب حمصي وقال للدكتور: دخليك يا دكتور هالضرس عذبني كتير شوفلي صرفة معاه، قام الدكتور خلعلوا كل اسنانه

عدا الضرس المنخور، صُعق المريض وقال له شو عملت؟

قاله له الدكتور: إيه، خليه مثل الكلب لحاله

******************8

مرة الحماصنة جمعوا تبرعات من بعضهم واشتروا قنبلة ليضربوها على حماه، قام الطيار الحمصي طار وضرب القنبلة بنص حمص، قاموا سألوه بعدين،

ليش ضربت القنبلة بحمص؟ قال لهم: شو احنا دافعين دم قلبنا عالقنبلة لنضربها بحماه ؟؟!!

****************************

مرة الحماصنة سمعوا انو في عاصفة جاي على حمص، قاموا كتبوا لافتة وعلقوها بأول حمص ( درعا ترحب بكم )

**********************

آخر حـِكـَم الحماصنة

'إذا لم تكن ذئبا ً ....... فأنت حيوان آخر'

********************8

ما القاسم الشترك بين الحمصي الزكي و الديناصورات؟

الإثنين انقرضوا

************************

واحد غبي اشترى تكسي و فرحان فيها كتير،

صاروا العالم يأشرولوا: (تكسي تكسي....؟)...وهو يقول: ( ايه بعرف بعرف....)

*******************

واحد مسطول حامل كرتونة بيض شاف قشرة موز بالشارع قال يا حبيبي راحو البيضات

*********************

واحد غبي شاف ناس متجمعين، راح يشوف شو في، قام ما قدر يفوت من كتر العجقة، قام شغـّل مخـّه وصرخ بالناس،

زيح انت وياه، هاد ابن عمي ابن عمي قامت الناس كلها وسعتلوا الطريق وفات قام لاقى حمار ميـّت

********************************

شرطي حمصي عم يركض ورا حرامي آم سبقو

دمتم مفرفشين albino