ماكل من يركب على الخيل خيال

السلام عليكم ورحمة الله وبركاته

ماكل من يركب على الخيل خيال

ولا كل خيل تعجبك هي أصيـله

ولاكل من يعجبك هرجه برجال

بعض العرب ملسون وايده بخيله

الكل يلبس ثوب وشماغ وعقال

وعند اللزوم افعالهم هي قليـله

الرجل تثبت له أقاويل بافعال

لاقال شئ ونفذه هو دلـيله

والرجل لاشفته مع القيل والقـــال

ابعد عنه هذا صفاته عليــله

والكذب خله عنك مافاد لو طال

قول الصدق ياصاح غنم وجميـله

وخلك شجاع وذي صفات للابطال

اللي كما سيوف تبارق سليـله

واللي شراك اشريه لو كان بالمال

خلك معه وان مــــــال دور بديله

واصبر ترى الدنيا تبدل بها أحوال

وما كل شئ صافي تشـــــوفه تجيله

وبعدالكدر تشرب صفا عذب وزلال

هذا الزمن فيه استــــقامه وميله

وصاحب خليل لو جفـا الوقت ما مال

ترى الرجل يعرف بقيمة خليـله

واقفل على سرك بكتمان واقفال

بعض العرب يسمع وينوي بحيله

وخلك أمين إذا توليت الأعمال

من خان في يوم الحشر يا حليله

خل التواضع فيك واضح بالافعال

ترى الكبر يردي بيوم وليـله

ولاتحسد اللي عنده اموال وعيال

وش ينفعك لو كان حـــسدك يزيله

ولا تزور تقلب الزين بطـال

الله عليم بالنوايا الدخـيله

وخلك رزين ترى المخفه للاطفال

واصفح عن المخـــــطي ولو زاد قيله

واحمل همومك لو تزن وزن آلآثقال

بكره تروح وتنجلي لو ثقـيله

وصل الفروض ولاتنسيك آلآشغال

محدن في الدنيـــــا درى وش بقي له

وزور آلآقارب للرحم كون وصـــــال

وخلك عظيم الشان وسط القـبيله

وصلاة ربي عد ماهل همـــــــــــــال

على النبي اللي صفـــــاته جليله

[ندعوك للتسجيل في المنتدى أو التعريف بنفسك لمعاينة هذه الصورة]

يسلمووووووووووووووووووووووووووووو
عسووووووووووووول
روووووووووعه
واحلى كلام
تقبلي مروري

الكل يلبس ثوب وشماغ وعقال

وعند اللزوم افعالهم هي قليـله

تسلمي عسوووووول
روعه واكتر من رووووووووووووعه

تقبلي مروري

» درب خيال يرتسم
» رومانس خيال
» تعالي يا نفس أسألك بعد أن مرَّ رمضان كطيف خيال