رثاء الاب...بقلمي

شو نفع الدنيا بعدك يابيه
يالي منك ماشبعت ولاشويه
شو نفع الدنيا بعدك يابييه
وانا اللي عصوتك بوعا
وبهمساتك بعيش
بتزكر يابيه كيف طفلة صغيره انا كنت
وبحجرك اقعد انا وعليك ادلع
وانت يابييه بحنانك دفيني وجرحني تنسيني
وينـــك يابيه
اشتقتلك كتير انا واختي وخييه
وامي عسيرتك بتوعا ومن شوقها الك بدموها بتغفى
كتير محتاجتلك والله يابييه
بتزكر يابييه لما اخر يوم فيه حاكيتك
بجونك شفت دمعه بتحمل شوق الي وكانك حاسس بالفرقه
وحسيت بقلبك خوف كبير
بنبضاتك سمعت انا صوت مع نظره فيها لمعه
كان بيقول كيف اتركك يابييه ومين بعدي بحنانو رح يدفيكي
وعليكي يخاف ودايما فرحانه يخليكي
والله همك شايل يابنتي وعليكي كتير خايف
كأنك حاسس انو الفراق قرب وماظل بينك وبينو غير لحظه
بين ايديك ضميتني واحلى بوسه بستني
ولما شفت الخوف بعيوني وعليك بكيت ورجفت جفوني
قلتلي لا يابييه
لايابييه عليه انا لاتخافي ولاتبكي
دموعك عليه غاليين وعليه انتي مابتهوني
انا صحيح رح فارقك يابييه
بس ياحبيبتي روحي رح اتركلك
وعيوني رح يظلو حراس الك
لاتخافي يابييه انا معك وابدآ مارح اتركك
بجسمي مفارقك وبروحي مرافقك
وكل ماتزكريني يابييه غمضي عيونك وحاكيني وعليكي برد رح تلاقيني
وكمان بتشوفيني وايدي رح تمسكيلي
غمرتني لاخر مره وبيدك انت مسحت دمعتي
بحجري حطيت راسك وايدي مسكتلي وبدفا غريب حسستني
وبستك انا يابييه تاريها كانت بوسة الفراق وانا ماكنت داريه
بين ايديه نزلت دمعه من عيونك وشويه وغمضت عيونك
كانت دمعة الفرقه يابييه
وايدك بين ايديه متل التلج صارو وايديه تركو
ظليت مصدومه وبقول لا شويه وبيفتح عيونو
صوت عالي صرخت وقلت رد عليه يابييه رد عليك خايفه انا صرت
وانت ساكت وبين ايديه راكد
وبعدها صوتك انا ماسمعت وهمستك فارقت
من بين ايديه اخدوك
والكف لبسوك وبعطر المسك عطروك
عليك ركضت وايدك بست وبوجهك اطلعت
ولما شفتك نشفت دموعي وابتسمت
بوشك شفت بياض ونر ماشفتو انا بكل الكون
متل الملاك كنت نايم والفرح بوجهك باين
ولما شالوك ومعهم اخدوك
روحي طلعت ومعك راحت
هني بقبرك نزلوك وبالتراب رشوك
وانا قاعده وبقول لاتبكو
لاتبكو بييه مامات هو وعدني انو مايتركني
انا متاكده كمان شوي رح يجي وياخدني
مرت عفراقك سنه وانا عمجيك مستنيه
بس اليوم صحيت وعفراقك وعيت
يابييه البعد طال وفراقك ترك بقلبي نار
صرت متل المجنونه يابييه
صورتك حاكي ووشاحك اغمر
وينك يابييه وينك
يعني خلص صوتك مارح اسمع
وبيدك مارح تغمرني
اشتقتلك يابييه اشتقت لكل شي فيك
صوتك وحنانك حتى لمسة ايديك
كل يوم بغمض عيوني وبحاكيك
وادمي بشوفك عم تضحكلي
متل ماقلتلي يابييه غمضي عيونك ورح تلاقيني بحناني مدفيكي
بس نفسي يابييه بيدي الميك واحلى غمره اغمرك
محتاجه الك كتير يابييه
محتاجه تمسح دمعة عيني وعني تخفف جرحي وانيني
عارف يابييه ياروح قلبي وعينيه
عالبعد ماني قادر
ودمعي عليك متل البحر صاير
ببعدك شفت الحلا ظلام
وعيني بغيابك ابآ مابتغفى ولالحظه بتنام
حتى نسيت اني انسان وعلى البعد لازم اتعلم وبحياتي اكون فرحان
بس الفرحه راحت معك يابييه والروح ظلت تتبعك
ريتني يابييه ابلك رحت عن الدنيا وفراقك انا بعيوني ماشفت
جرح كبير بقلبي بعدك تركت وبقلبي انت ساكن كنت ومازلت
كتير عليك انا بين البشر دورت
بس حتى ابد ماشفت
متل حنانك انا مالقيت ولاحسيت
ربي يصبرني عبعدك وبأقرب وقت ياخدني وريتو منك يقربني
اشتقتلك كتير يابييه
وبحبك انا كتير وحبك فيه بيزيد ولالحظه ببعدك بينقص
وشوقي الك ياما وياما عم يكبر يابييه
بحبك كتير يانور وضي عينيه
وينك وينك يااغلى من روحي وعينيه
وينك يابييه

لك يخليلي هالموضوع أنااااااااااااااا

كتير بحب هيك نوع من المواضيع
مدري ليش بحباااااااا
يمكن ؟؟؟؟
لإنو انتي صاحبة الموضوع ياعســـــــولة ؟
يمكن لإنو ئريبة للئلب
مابعرف
جد كتير يسلمووووووو
عسولة فلسطين

عســـــــولة يسلمو كتيررر
فتحتي جروحي عن جديد
الله يعطيكي العافية ويرحم والدك ويجعلو من اهل الجنة
تقبلي مروري

اشكر لكم مروركم الرائع

ومرسي زيـــادووو عالرد الحلو

وانت كمان خيو اكيد عزيز عالكل

نورت صفحتي المتواضعه بمرورك

ويسلمو عثولي عمرورك الروعه

نورتي صفحتي حياتووو

» رثاء قلب...
» ألم الفراق الاب
» رثاء نجلا
» حوار بين الاب وابنــه
» همساااات...بقلمي