(( وينك حبيبي ))شعر .. موال
أوف چم أوف جابني وَدآني
أوف ﭼم أوف أتحمل آني
أشتاﮔيت حبيبي ألك و أشتاﮔت ألك أحظاني
وين صفة بيك الدهر يا حبيب عمري و زماني
أرجع إليه يكفي هجر وعود أللي من ثاني
شبعني من شوفتك و ريحني من أحزاني
ترى فراﮔك ذوبني مرمرني سهرني و حيل أذآني
خله الدمع يجري طول الليالي شمعه أذوب وحداني
بُعدك مو هَين عليه بُعدك حبيبي جرح وجداني
لك من دونك آنه ضايع والحزن على وجهي عنواني
حُبك حبيبي عَلكَ الروح لا بالگاع ولا بالسما خلاني
صدكَني ما أنام الليل بلياك متعذب وأعاني
أرجع أليه حبيبي وعوضلي سنين حرماني
(( وينك حبيبي ))
وينك حبيبي وين *** أشتاﮔت ألك احظاني
طالت الغيبة سنين *** محتاجك حبيبي آني
___________
حبيبي بُعدك طال *** عمرنا خلص ترحال
والدمع عل خد سال *** أنت سبب أحزاني
___________
يهزني الشوكَ بكَلبي *** حُبك عذبني
وحيد أمشي بدربي *** ذكراك تعبني
ياريت يمي تكون *** وأضمك بين العيون
شوفتك تسوة الكون *** وتسوة عمري و زماني
___________
نار بصدري تحرگني *** هجرك حبيبي ذوبني
محتاج حضنك يدفيني *** وتعوضلي حرماني
___________
بغيابك شوف شسويت *** شوف شكثر عانيت
جسد بلا روح بقيت *** خوفي لا تنساني
